Шеста година по ред, студентите од ФМН при УГД имаат шанса за краткотрајни бесплатни курсеви по традиционална кинеска медицина (ТЦМ) во Кина, благодарение на проф. д-р Зху Јихе, Управата на ФМН, ректорот на УГД - Штип, Владата на НР Кина и Амбасадата на НР Кина во Македонија.
Оваа година студентите имаат шанса да одат во две групи.
Првиот курс се одвива од 18 април до 12 јуни 2018 г., а селектираните студенти веќе престојуваат во НР Кина.
Вториот курс ќе се одвива од 24 мај до 22 јуни 2018 г. и ќе можат да бидат селектирани 10 студенти од Македонија, најголем дел од ФМН при УГД - Штип.
Пријавувањето се врши на е-адреса: Оваа е-адреса е заштитена од спамботови. Треба да ви е овозможено JavaScript за да ја видите. до 1 мај 2018 г., а интервјуто ќе се одвива во Центарот за традиционална кинеска медицина во текстилното училиште на 3 мај 2018 г. (четврток) во 10 часот. (10-те студенти кои веќе беа на интервју ќе бидат известени кои од нив се влезени во потесен круг на кандидати).