Во периодот од 5 до 7 јуни 2026 година студентите по Фармација од Факултетот за медицински науки при Универзитет „Гоце Делчев“ Штип, заедно со своите професори и асистенти, реализираа тридневни теренски активности со посебен осврт на собирање и детерминирање на лековити растенија, како и принципи на одговорно собирање на растенија за фармацевтски цели.
Преку низа обиколки во Преспанскиот регион, идните фармацевти ја истражуваа богатата локална флора и ја идентификуваа важноста на нејзината конзервација.
Голем дел од теренското истражување беше спроведено преку искачување на врвот Томорос, на планината Галичица каде што се вршеше опсежна опсервација и идентификација на ендемичните видови. Дел од активностите беа изведени преку посета на Националниот парк Пелистер, каде што се реализираше обиколка во околината на Ски-центарот Копанки, се идентификуваше карактеристичната флора и се дискутираа клучните разлики во вегетацијата меѓу трите посетени региони.
Покрај собирањето на растенија за студентите беше организирано и кратко стручно предавање за важноста од заштита на биодиверзитетот на Преспанскиот регион од страна на гостин соработник – дипл. биолог Иван Арсов, квиз на знаење од областа на фармакогнозија, како и креативна работилница каде што студентите практично го искористија батохромниот ефект на УВ зраците врз куркуминот за печатење на постери.
