Факултетот за медицински науки - Студии по дентална медицина при Универзитет „Гоце Делчев” – Штип и оваа година ќе учествува во континуираната стоматолошка едукација на докторите стоматолози во Македонија.
На 11 ноември 2017 г. (сабота) во Мултимедијален центар на УГД – Штип ќе се одржи Симпозиум (шести по ред) со наслов „Неправилности, грешки и пропусти и нивно санирање при стоматолошките интервенции“.
Симпозиумот е акредитиран од Стручната комисија при Стоматолошката комора на Република Македонија со 8 бода за пасивно и 12 бода за активно учество.
За време на Симпозиумот ќе бидат поставени штандови од покровителите.
