Првиот симпозиум со меѓународно учество на студиската програма Фармација на Факултетот за медицински науки „Фармацевтска грижа: актуелности, можности и предизвици“ ќе се одржи годинава, на 23 септември. Веќе се утврдени и поединостите во врска со условите за учество, регистрацијата, начинот на учество и останатите важни детали.
На симпозиумот може да учествуваат сите фармацевти, независно од степенот на образование. Котизацијата за учество на симпозиумот изнесува 1000 денари, а од истата се ослободени студентите од интегриран прв и втор циклус на студии по фармација. Симпозиумот ќе биде акредитиран од страна на Фармацевтската комора на Република Северна Македонија и секој учесник на истиот ќе добие електронски сертификат за учество и соодветни бодови за континуирана едукација.
Сите учесници треба да се регистрираат со пополнување на Формуларот за регистрација, достапен на следниов линк: https://forms.office.com/e/pXHA1uiqXh
По извршената регистрација, потребно е да се достави доказ за реализирана трансакција за котизација на следнава електронска пошта: Оваа е-адреса е заштитена од спамботови. Треба да ви е овозможено JavaScript за да ја видите..
Учесниците може да изберат еден од двата начини на учество: активно или пасивно. Пасивното учество вклучува само присуство на предавањата предвидени со програмата на симпозиумот, додека активното учество вклучува и учество со апстракт и постер-презентација.
Учесниците кои планираат активно учество на овој симпозиум, апстрактот треба да го подготват според образецот достапен на овој линк. ( Образец за апстракти - Симпозиум Фармација.docx). По извршената регистрација, подготвениот апстракт, заедно со доказот за реализирана трансакција за котизација, треба да се достават на следнава електронска пошта: Оваа е-адреса е заштитена од спамботови. Треба да ви е овозможено JavaScript за да ја видите..
Сите доставени апстракти ќе бидат подложени на рецензија од страна на членовите на Научниот одбор, а по нивно прифаќање ќе бидат објавени во Книга на апстракти.
Доколку имате дополнителни прашања, ве молиме да нè контактирате на Оваа е-адреса е заштитена од спамботови. Треба да ви е овозможено JavaScript за да ја видите..