Повеќе од 160 водечки европски специјалисти од 17 земји учествуваа на Третиот национален конгрес за невросонологија и мозочна хемодинамика што се одржа истовремено со Регионалниот едукативен курс на Европската академија по неврологија од 5 до 8 октомври во Софија.

Студентите од студиската програма Општа медицина на Факултетот за медицински науки беа учесници на овој Конгрес и освоија две награди за најдобри постер-презентации во секцијата за неврорехабилитација.
Конгресот се одвиваше под мотото „Иновации во медицината“, а фокусот беше на новите научни достигнувања во третманот на мозочните удари и можностите на едукација на мозокот по мозочен инцидент.

Семинарите и предавањата посветени на неврологијата беа предводени од истакнати специјалисти, како проф. Д. Демарин (Хрватска), за спречување на мозочен удар, проф. К. Нидеркон (Австрија), за механичка тромбектомија, проф. С. Андонова за третман на венска тромболиза, проф. Д. Љубенова за неврорехабилитација кај дијабетна полиневропатија итн. Предавањата од проф. У. Валтер од Германија, проф. Л. Падуа од Италија, проф. Ф. Парен од Швајцарија и академик Е. Титјанова од Бугарија ги покажаа можностите за невускуларна ултразвучна дијагностика во неврологијата и беа посетени со голем интерес.