„Фармацевтот како алка помеѓу традиционалната и иновативната терапија“  - отворена регистрација за учество и повик за апстракти

Вториот симпозиум со меѓународно учество од областа на фармацијата на Факултетот за медицински науки со наслов „Фармацевтот како алка помеѓу традиционалната и иновативната терапија“ ќе се одржи на 27 септември 2025 г. во Мултимедијалниот центар на Универзитетот „Гоце Делчев“ во Штип.

Котизацијата за учество на симпозиумот изнесува 3000 денари, а од истата се ослободени студентите од интегриран прв и втор циклус студии по фармација Начин на уплата.pdf. Симпозиумот ќе биде акредитиран од страна на Фармацевтската комора на РС Македонија и секој учесник на истиот ќе добие електронски сертификат за учество и соодветни бодови за континуирана едукација. 

Учесниците се регистрираат со пополнување на Формуларот за регистрација, достапен на следниов линк: https://forms.office.com/e/2DThy42m0k
По извршената регистрација, доказот за реализирана трансакција за котизација и подготвениот апстракт (активни учесници) треба да се достават на следнава електронска пошта: This email address is being protected from spambots. You need JavaScript enabled to view it. Дополнително, при регистрација, потребно е да се назначи и соодветната област на апстрактот Области и важни датуми.pdf .  Учесниците може да изберат еден од двата начини на учество: активно или пасивно. Пасивното учество вклучува само присуство на предавањата предвидени со програмата на симпозиумот, додека активното учество вклучува и учество со апстракт и електронска постер-презентација.

Учесниците кои планираат активно учество на овој симпозиум, апстрактот треба да го подготват според образецот достапен на следниов линк: Образец за апстракт (.docx)

По извршената регистрација, подготвениот апстракт, заедно со доказот за реализирана трансакција за котизација, треба да се достават на следнава електронска пошта: This email address is being protected from spambots. You need JavaScript enabled to view it..

Сите доставени апстракти ќе бидат подложени на рецензија од страна на членовите на Научниот одбор, а по нивно прифаќање ќе бидат објавени во Книга на апстракти во издание на Универзитет „Гоце Делчев“ – Штип.

Рок за поднесување на апстракти е 1 јули 2025 година.

Доколку имате дополнителни прашања, ве молиме да нè контактирате на This email address is being protected from spambots. You need JavaScript enabled to view it..