Од 5 до 10 февруари 2018 година, проф. д-р Ивона Ковачевска и проф. д-р Гордана Панова беа во посета на Универзитетот во Малме, Шведска.
Притоа ги посетија Факултетот за медицински сестри, јавно здравје и социјална грижа, Факултетот за стоматологија, Институцијата за палијативна нега, Ургентниот центар, Клиниката за гинекологија и акушерство, Форензична психологија во Толербург и други институции.
Покрај меѓууниверзитетската соработка воспоставена во текот на 2017 година, при оваа посета се договори и Еразмус + конекција, заеднички меѓународни проекти, размена на студенти и наставнички кадар, односно соработка на Факултетот за медицински науки при Универзитетот „Гоце Делчев” во Штип и Универзитетот во Малме. Иако поголем дел од факултетите од медицинските гранки се лоцирани во градот Лунд, најстар универзитетски град и центар, практичните и клинички содржини студентите ги реализираат во клиниките и здравствените институции во Малме.
Посетата од секој аспект беше позитивна, успешна и со тенденција за уште поперспективна соработка.
